Home

    

Kontakt

        
             



 

  (Allkheyraad) :-Madaxweynaha DFKM ah Sh Shariif Sh Axmed ayaa maanta waxa uu walaac ka muujiyey maamul goboleedyada ee ku soo badanaaya dalka mar uu khudbad kooban ka jeedshay xaflad loo qabtay Maamulka Galmudug oo soo afjaray khilaaf in mudo ah ka dhex aloosnaa.




 

Madaxweyne Shariif ayaa sheegay in ay maamul goboleedyada ay qayb ka yihiin amaan darada iyo kala fogaanshaha siyaasadeed wuxuuna ugu baaqay umada Soomaaliyeed in  ay noqdaan kuwa isku duuban ayna isku soo dhowaadaan.

"Waana soo dhaweynaynaa in la dhiso maamul goboleedyo, balse waxaa looga baahan yahay inay noqdaan kuwo heshiis lagu yahay, dowladda waa mid ku dhisan qaab Federaal ah", ayuu yiri Madaxweynaha Soomaaliya.




Madaxweynaha DFKM ee Soomaaliya Sh Shariif Sh Ahmed ayaa aad u soo dhaweeyey heshiis ay dhowaan kala saxiixdeen labada Siyaasi ee isku haystay xilka madaxtinimada ee maamul goboleedka Galmudug Axmed Shariif Hilowle iyo Maxamed Axmed Caalin


Shariif ayaa sheegay in ay DFKM ay qeyb weyn ku lahayd in uu sooo dhamaado khilaafkii siyaasadeed ee u dhexeeyey maamulka Galmudug ayana tahay waajid ka saaran DFKM in aż xaliso khilaafka u dhexeeya siyaasiyiinta Soomaalida . 

Madaxweyne Shariif ayaa ku baaqay Maamulka Galmudug in uu si degdeg ah u bilaabo howlihiisa uuna taageero DFKM wuxuuna u hambalyeeyey Maxamed Axmed Caalin oo noqday madaxweynaha Galmudug Axmed Shariif Hilowle oo u tanaasulay.

Madaxweynaha Galmudug ayaa sidoo kale u mahad celiyey madaxda DFKM iyo Axmed Shariif Hilowle oo sameeyey geesinimo markii uu u tanaasulay dhigiisa ay isku hayeen madaxtinimada.
 

Allkheyraad online
Ku Laabo

Copyright © 2006-07 Allkheyradka--design:- Bashka

Top History

Ku Naso abwaan jama kadiye

Akana Album

Somali links
Boocame
Calanka
Kismayo post
jirac.com
abaaqaroow
Somaliweyn
Horseednet
jidbaale
shabelle.net