Isagoo ku hadlayay xarunta waddankiisa ee Asmara ayuu ku canaantay Qaramada Midoobay in ujeedada weyn ay ka leedahay shirkan ka socda Jabuuti ay tahay sidii ay u wiiqi lahayd awoodaha kooxaha mucaaradka ee dagalka kula jira Itoobiyanka qabsaday dalka.

Isaias Afworki Madaxweynaha Ereteriya waxaa uu yiri,ma garanayo sababta Qaramada Midoobay sidaas u yeelayso, waxayse ila tahay in cadaadis ka yimid Mareykanka tahay.

Mareykanka Ereteriya waxaa uu ku eedeeyay inay magangeliso Argagixisada Geeska afrika, hase ahaate warkaas waxaa si xoogan u beenisay Dowladda Asmara.

“Kooxaha Kacdoonka ka wada Soomaaliya dhaqdhaqaaqa ay wadaan waxaa taageersan shacabka Soomaaliyed, waana xaq in la taageero dadaalka loogu jiro in dalka laga saaro Ciidamada cadawga ee xooga ku qabsaday dalka ee Itoobiya”ayuu yiri Madaxweynaha Ereteriya

Hadalka Madaxweynaha Ereteriya ayaa ku soo aaday xilli Magaalada Jabuuti ee dalka Jabuuti ka socdaan wada hadalo ay leeyihiin Dowladda Federaalka iyo mucaaradka, in kastoo mucaaradka Dowladda Federaalka ayaa haddana ku kala qeybsan shirkaas

madaxey :-weriyaha
Ku Laabo