Shirkan oo Maalintii shalay ahayd la is horfariistay ayaa waxaa sidoo kale goob joog ka ah oo iyana fadhiyey Golaha Xubno ka socda Beesha Caalamka oo ay ka mid ahaayeen Wafdi ka socday Jumciyada Quruumaha ka dhexeysa iyo kuwo ka socday Ururka Islaamka.

Shirkan ayaa ku furmay jawi degen iyadoo isbarasho ka dib la gudo galay wada hadalo goos goos ah oo la is dhaafsanayey Xubnaha ka qayb gelaya shirkan ayaan ahayn kuwo isku Cusub iyagoo horay dhowr shir oo Noocaan oo kale ah isugu Yimid meelo ka baxsay dalka Soomaliya

oo looga wada hadlayey arimo quseeya Dalka Soomaliya.

Shirkan oo ah mid Gobol Xaar ah ayaan Maalintii shalay ahayd si cad looga wada hadlin Hadafkii la isugu yimid isagoo ahaa shalay mid aad moodo in la isku Baranayey Maadaama ay ka qayb geleyaan shirkaasi Xubno Caalami ah oo kasocda Beesha Caalamka.

Wafdiga golaha asmara ayaa waxaa hogaaminaya C/raxmaan C/shakuur Warsame oo amiir u ah Xubnahan shirka ka qayb geleya inta uu shirkaasi socdo dhinaca dowlada ayaa isna waxaa horkacaya oo af hayeen u ah ergada dowlada soomaliya wasiirka Dib u heshiisiinta DFKM C/risaaq ashkir oo sheegay mar uu ka hadlayey kulankii shalayto in shirkan Xal waara laga gaari doono ilaahayd idankiis.

dhanka kale Madaxweynaha Maamul Goboleedka Puntland Maxmuud Muuse Xirsi Gen.Cadde ayaa Maanta kusoo Fool leh Magaalada Jabuuti ee Dalka Djabuuti.

Imaanshaha Madaxweyne ayaa kusoo Beegmaya Xili dalka Jabuuti ay kasocdaan wada Hadalo dhexmaraya dhinacyada Soomaalida ee isku Haya siyaasada dalka.

lama oga in uu Madaxweynaha Puntland lagu Casuumay shirka Jabuuti in iyo inkale walow ay wararka Qaarkood sheegayaan in uu Madaxweyne Cadde Muuse usoo Gudbi doono Dowlad Goboleedka Gaar ahaan Magaalada Boosaso oo Xarun dhaqaale u ah Puntland.

madaxey :-weriyaha
Ku Laabo