C/risaaq Ashkir ayaa waxa uu sheegay in Magaalada Kismaayo si qalad ah weerar loogu qaaday isla mar ahaantaasi aanu halkaasi joogin Ciidamada Dowladda iyo kuwa Itoobiya isla markaasina aan la ogeyn cidda qabsatay iyo cidda loo qabanayo wuxuuna sheegay in dowladda KMG ah ee Soomaaliya ay gacanta ku dhigeyso magaalada Kismaayo isla mar ahaantaana maamul adag ay dowladda halkaasi ka sameyn doonto.

Sidoo kale Wasiirka Dib u heshiisiinta waxa uu si kulul u cambaareeyay falkaasi lagula wareegay Magaalada Kismaayo isagoo sheegay in haddi la tegayo Magaalada Kismaayo iyadoo aan sacbooley la aheyn aan la tagi doonin cidkastana lala kaashanayo sidii Magaaladaasi loogala wareegi lahaa xoogaga gacanta ku haya.

C/risaaq Ashkir ayaa waxa uu sheegay in duullaanka lagu qaaday Magaalada Kismaayo ay waxweyn u dhimeyso arrimaha dib u heshiisiinta isagoona ugu baaqay Kooxaha kale ee aan kujirin kuwa lagula heshiiyay Jabuuti in iyaguna ay dhankooda kaga soo biiraan.