Golaha Amaanku waxaa uu kulankaas ku sheegay in ay meela badan oo ka tirsan Dalka Soomaaliya aysan Dawlada ku meel gaarka ahi maamulin oo aysan gacanteeda ku jirin.

Kulankaas xalay ayaa waxaa kalo talooyin ku aadan sidii looga baaraan degi lahaa ciidamo ka socda Qaramada  ee la geeyo Soomaaliya ka soo jeediyay Gudi ka socda Dawlada  Ingiriiska balse Golaha Amaanku kulankan kii ka horeeyay ay arintaas ugu xilsaareen.

Golaha Amaanka ayaa waxaa ay soo dhoweeyeen heshiiskii ay madaxda DFKM ahi ku gareen magaalada Addis Ababa ee dalka Itoobiya, kaas oo ay Xukuumada Itoobiya ka odayeeneeysay.

Dhinaca Nabada iyo Dib U Heshiisiinta mar ay ka hadlayeen ayaa waxaa Goluhu sheegay in ay haboon tahay in nabada ay taageeraan dadka weli dagaalada ka wada gudaha Soomaaliya.

Gunaanadki kulanka ayaa waxaa Golaha Amaanku isku raacay  in ay kulan  kale isugu yimaadaan si looga arinsado ciidamo Qaramada Midoobay ka socda ee Soomaaliya la geeyo iyo weliba dadka iyo dawladaha diidan nabada Soomaalida.

allkheyraad online
Ku Laabo